سلام للجميع 
..
اممم .. بأيش ابدأ ..
نقول بسم الله .. يا فتاح يا عليم افتح علينا ..
طيب ..
انا الصراحة ما أدري ليش فتحت المدونة في هذا الوقت بالذات! .. لأني مضغوط عالآخر خصوصاً انو الفترة الجيه أهم فترات حياتي ..
لكن عشان اكسر شي واحد فيّا .. وهوا التسويف ..
انا بدأت التدوين في 2006 وكانت لي مدونة (الله يرحمها) اسمها العملاق .. لكن قَفَلَت لوحدها لأنو الاستضافة انتهت .. وأنا وقتها ما كنت رايق أبداً لأنو مرت عليا ظروف صعبة جداً ..
جلست أدوّن سنة كاملة وبعدين وقّفت واتفرغت لأعمالي .. قلت الكلام ما منه فايدة .. ويا كُثر اللي يتكلموا ..
قررت اني ابدأ احقق أحلامي اللي كنت اطمح بيها .. وعملت موقع الفوائد .. موقع بفكرة جديدة وهي مشاركة الفوائد مع الاخرين ..
كانت تجربة من أروع تجارب حياتي .. وان شاء الله راح اكتب عنها بالتفصيل في مدونتي البرمجية
بعدين دخلت في مشاريع برمجية تجارية .. وعملت كم موقع ان شاء الله راح اكتب عنهم في صفحة مشاريعي
وخلال هذي الفترة فتحت مدونة (سُكيتي) .. كنت ابغى أنفّس عن نفسي شويه .. لكن ما جَلَسَت كم شهر وانشغلت وقفلتها ..
طيب .. اتكلمت كثير ..
ايش راح اكتب في المدونة .. عشان تعرفوا من البداية يمكن ما يناسبكم!
انا مقسم الموقع 3 اقسام رئيسية هي: المدونة العامة, المدونة البرمجية, المشاريع + صفحة تعريفية عني
المدونة العامة .. راح اخذ راحتي فيها عالاخر .. مرة اكتب بالعامي ومرة بالفصحى ومرة بالسيريلنكي! .. المهم كل موضوع واللي يناسبه .. المواضيع الجادة بالفصحى ومواضيع التسلية بالعامية .. وممكن ارجّع كم موضوع من المدونات القديمة اذا حسيت اني (انزنقت) .. الحمد لله في باك اب ..
المدونة البرمجية .. للبرمجة فقط .. بإختصار شديد .. حأكتب وأترجم دروس ونصائح تفيد المبرمجين وتفيدني ان شاء الله ..
المشاريع .. حأكتب عن مشاريعي .. نبذة عنها مع بعض الصور ..
والروابط اللي عاليسار راح تنقلك على القسم اللي انت تبغاه ..
مجمل الكلام والهدف من المدونة اني ابغى اكتب عن تجاربي في الحياة .. من باب اني أوثّقها للذكرى .. ويمكن تكون مفيدة لغيري ..
وبالله التوفيق …
سجل عندك التعليق صاحب الآي دي 1 من نصيبي .. وخطوة مباركة إن شاء الله ..
أهلين أحمد باشا
شكراً لك على افتتاح باب التعليقات
وبهذه المناسبة السعيدة .. راح اهديك بوت رياضي من ماركة (ابو طير) العالمية .. بدل ما تلعب حافي بالكوره البلستك حقتك!!
<== اذا ما كنت تعرف هذي الماركة ترى مشكلة! .. عموماً هي الماركة المفضلة في حواري مكة! راح اوريك عينة منها في شنطة سيارتي اذا شفتك!
على فكرة متى اقص شريط افتتاح المدونة حقتك ؟؟
حيييييييييييط طع
اهلا بالرجل المتخفي …. قالب النت سبهلله كل ما جا على بالك فتحت مدونه ولما تطفش تقفلها
على العموم اهلا بك يا كوتش في عالم التدوين
ومن هذا المنبر سوف تجد ابوفروى احد اكبر المعجبين بك
هههههههههههه
يا هلا بأخويا العزيز ..
الشغلة ماهي سبهلله .. بس كنت ابغى افك طفش وقتها .. وكنت حاسس انو المدونات ما راح تكمل عشان كذا ما قلتلك ..
لكن هذي المرة ان شاء الله راح استمر ..
عموماً أهلا بيك وبأبو فروى .. وجميع السامجين والسامجات في هذه المدونة ..
والله من يومك حبيتك يا شيخ نواف
وبالذات بعد ما بدات تخفف الشنب
استهبلت شوية معليش بس بجد
والله انتا من الناس الي يعطوني دافع افكر ايجابيا في حياتي بسبب طموحك واجتهادك ماشاء الله ،، يمكن تحسب كلامي فرش بس والله من جد انا احيانا عندي احلام او افكار او مشاريع نفسي اطبقها بس احطم نفسي بنفسي فلما اشوفك صراحه احس اني بشوف مثال حي للشاب الي يفكر صح ويحاول يطبق صح وحتى لو غلط فله اجر المحاولة
معليش طولت بس حبيت استفتح ردودي معاك بشيء من قلبي
ياقلبي انتا يا طويل
ومبروك المدونة ويارب من نجاح لنجاح
والله يسعدك دوم يارب
قول امين
معليش بكمل على ردي لاني انتبهت لحاجه بعد ردي الاول
ماجد ذكر اسمي الحركي في ردو ودوبي انتبهت
انا معجب بيك يا نواف من زمان وانتا عارف
واعلنها من هنا انا المعجب الاول ب ….. ( كنت بكتب اسمك الحركي ، بس حفاظا على شخصيتك سأمتنع )
تقبل مروري
أهلاً بالاستاز حمزوز
.. اقصد الدفعة المعنوية!!
أولاً .. أشكرك من الأعماق على هذي الرفسة المعنوية
ثانياً .. بلا فُرش .. ورجع الهارديسك بالطيب!!
ثالثاً .. بلا قرش يا كابتن .. لأني انسان مرتبط .. وهذا الكلام كان ممكن تقوله اول ايام الملحق!
ذحين لو المدام دخلت راح اروح في خرايطها!!
فرجاءاً بلا فضايح انت وماجد ..
عموماً شرفت المدونة والله .. ولا تقطعنا ..
ألف مبروك أخ نواف افتتاح المدونة، يبدو أنه لم يفتني شيء
أحيي فيك روح العطاء من خلال موقع (الفوائد) الرائع.
وفقك الله.
الله يبارك فيك أخي ليزر
وأعتذر عن تأخري في الرد لإنشغالي هذه الأيام بالعمل على تطوير الفوائد .. وأنا على وشك الإنتهاء بإذن الله ..
ومرحباً بك في المدونة ..